Луѓето со една од крвните групи тип А имаат поголема веројатност да добијат мозочен удар пред шеесеттата година во споредба со луѓето со други крвни групи, откри студија.
Крвните групи ја опишуваат разноликоста на хемикалии прикажани на површината на нашите црвени крвни зрнца. Меѓу најпознатите се оние кои се наречени А и Б, кои можат да бидат присутни заедно како АБ, поединечно како А или Б или не се присутни, како 0.
Дури и внатре во овие главни крвни групи постојан варијации кои произлегуваат од мутации на гени.
Истражување откри јасна врска меѓу генот за подгрупата А1 и ран почеток на мозочен удар, пренесе Science Alert.
Истражувачите собрале податоци од 48 генетски студии кои вклучувале околу 17.000 луѓе со мозочен удар и скоро 600.000 без мозочен удар. Сите учесници биле на возраст меѓу 18 и 59 години.
Истражувањето на ниво на геноми откри две локации кои се силно поврзани со ран ризик од мозочен удар. Едната се поклопила со местото каде се наоѓаат гените за крвна група. Друга анализа за специфични типови гени откри дека луѓето чиј геном е кодиран за варијација од А групата имаат 16% поголеми шанси за мозочен удар пред 60 години, во споредба со луѓето со други крвни групи.
Оние со геном за групата 01 имаат ризик помал од 12%.
„Сè уште не знаеме зошто крвната група А претставува поголем ризик“, вели васкуларниот невролог и автор на студијата Стивен Китнер од Универзитетот Мериленд.
„Но, тоа веројатно има врски со факторите за згрутчување на крвта како што се тромбоцити и клетки кои ги обложуваат крвните садови, како и други протеини. Сите играат улога во развој на крвни згрутчувања“, објаснува тој.
Луѓето вклучени во студијата живееле во Северна Америка, Европа, Јапонија, Пакистан и Австралија. Научниците потенцираат дека се потребни дополнителни студии за да се разјаснат механизмите на зголемениот ризик од мозочен удар.
Уште еден клучен момент од студијата доаѓа од споредба на луѓето кои имале мозочен удар пред шеесеттата година со оние кои имале мозочен удар по шеесеттата година. Откриено е дека зголемениот ризик од мозочен удар кај крвната група А е безначаен во групата со подоцен почеток на мозочен удар. Тоа сугерира дека мозочните удари кои се случуваат порано во животот имаат поинаков механизам во споредба со оние кои се јавуваат подоцна.
Студијата откри дека луѓето со крвна група Б имаа околу 11% поголема веројатност од мозочен удар за разлика од оние кои немале, без оглед на нивната возраст.
