Кујната треба да се чисти секој ден бидејќи тука стојат валкани садови и остатоци од храна, а валканата рерна исто така може да биде проблем. Меѓутоа, има и други предмети кои веројатно често заборавате да ги исчистите.
Секој предмет или уред има рачки. Ако ги допирате пред да ги измиете рацете или по подготовка на сирова храна, може да се појават бактерии како листерија, салмонела и ешерихија коли. Сите тие може да предизвикаат проблеми со дигестивниот систем.
Секојдневно треба да ги чистите рачките на елементите откако ќе зготвите храна, треба да користите средство за дезинфекција и чиста крпа.
Иако во садоперот постојано тече вода, се собираат микроби, па затоа исто така треба да го дезинфицирате по подготовка на секој оброк.
Треба да го чистите и фрижидерот бидејќи од овошјето и зеленчукот се собираат пестициди. Чистете ја внатрешноста со детергент и топла вода.
Даските за сечење, особено оние направени од дрво, се рај за бактерии кои се појавуваат дури и по еднократна употреба. Важно е да имате две различни даски за сечење- една за овошје и зеленчук, друга за месо.
Најмалку еднаш неделно чистете го блендерот и апаратот за правење кафе. Некои делови може да ги ставите и во машина за садови, а други може да ги миете во топла вода со детергент.