Популарната платформа за запознавање на партнери Tinder објави листа од најпопуларните професии. Со тоа и докажаа на корисниците дека не е најважен изгледот, туку и професијата со која се занимаваат.
Корисниците на Tinder досега можеле да стекнат впечаток за другата личност врз основа на фотографии, а неодамна беше додадена и опција за внесување на работното место и образованието.
Тоа се покажало како добра одлука, бидејќи, како што соопштуваат од оваа компанија, со тоа е зголемена и шансата за пронаоѓање на вистинската личност.
После првите анализи, Tinder, направи и листа од професии кои се покажале како најпривлечни, односно оние кои имаат најголем потенцијал за пронаоѓање на идеалниот партнер.
Покрај тоа, професии како професор, претприемач или личен фитнес инструктор, се омилени и кај двата пола.
Работите поврзани со здравје, комуникација, и креативни правци се покажале омилени меѓу мажите. На прво место на најпривлечни професии е физотерапевт, а претприемач е на третото место.
Кај жените пак, ситуацијата е нешто поразлична. Тие обожаваат „класични“ машки занимања. Па така на врвот на листата се наоѓаат пилот, пожарникар и доктор.
Манекен е дури на десеттото место кај жените, а кај мажите манекенките се на осмата позиција.