Со завршувањето на сезоната 2018/2019 и постепеното отворање на новиот летен трансфер период, пазарната вредност на најголемите фудбалски асови ги интересира сите, од менаџерите на клубови до фудбалските фанови.
Business Insider состави листа од 21 фудбалер во која ги рангираше највредните во светот моментално, врз основа на податоци достапни на Transfermarkt, платформа што редовно составува детални рејтинг листи за фудбалерите по лиги.
На врвот на листата е 20-годишниот Килијан Мбапе од ПСЖ, со вкупна пазарна вредност од 229 милиони долари, а веднаш зад него е неговиот соиграч, Бразилецот Нејмар (27) кој е проценет на 206 милиони долари.
Напаѓачот на Барселона Лионел Меси е проценет на 183 милиони, а неговиот ривал, ѕвездата на Јувентус Кристијано Роналдо е на 19-то место, според статистичките податоци.
Рангирањето беше направено врз основа на податоци за должината на актуелните договори на фудбалерите, нивната моментална подготвеност и перформансите во последната сезона.
На листата има 19 фудбалери кои вредат над 100 милиони долари, од кои осуммина играат во Премиер Лигата, но и неколкумина млади фудбалери под 20 години на кои им се предвидува светла иднина.
Садио Мане, Ливерпул – 97 милиони долари
Пауло Дибала, Јувентус - 97 милиони долари
Кристијано Роналдо, Јувентус - 103 милиони долари
Пол Погба, Манчестер Јунајтед - 103 милиони долари
Саул Њигез, Атлетико Мадрид – 103 милиони долари
Каи Хаверц, Баер Леверкузен – 103 милиони долари
Филипе Кутињо, Барселона – 115 милиони долари
Лирој Сане, Манчестер Сити – 115 милиони долари
Деле Али, Тотенхем - 115 милиони долари
Н’Голо Канте, Челзи – 115 милиони долари
Џејдон Санчо, Борусија Дортмунд – 115 милиони долари
Рахим Стерлинг, Манчестер Сити – 137 милиони долари
Осман Дембеле, Барселона - 137 милиони долари
Еден Азар, Челзи – 171,5 милиони долари
Кевин де Брујн, Манчестер Сити – 171,5 милиони долари
Антоан Гризман, Атлетико Мадрид, 171,5 милиони долари
Хари Кејн, Тотенхем – 171,5 милиони долари
Мохамед Салах, Ливерпул – 171,5 милиони долари
Лионел Меси, Барселона – 183 милиони долари
Нејмар, ПСЖ – 206 милиони долари
Килијан Мбапе, ПСЖ – 229 милиони долари.
