Netflix објави листа на десетте најпопуларни серии на нивната платформа кои луѓето ги гледаат најмногу откако ќе се претплатат на оваа услуга. Позитивната вест во оваа анализа е дека половина од сериите кои се најдоа на оваа топ 10 листа се оригинални производи на Netflix.
Како што платформата на Netflix расте, сѐ поголем број на луѓе се навикнуваат да гледаат серии одеднаш, во неколку вечери, наместо да ги чекаат епизода по епизода секоја недела.
Начинот на кој Netflix ги промовира нивните оригинални серии е подучен од овој принцип, па затоа сериите кои се под продукциската палка на Netflix излегуваат еднаш годишно, сите епизоди наеднаш.
Иако бројките на гледаност на Netflix и понатаму остануваат тајни и ги знаат само во кругот на раководството на оваа компанија, тие решија да споделат со јавноста една листа од топ 10 најпопуларни серии кои претплатниците ги гледаат одеднаш. „Netflix binge“ е терминот кој значи гледање на една сезона од серија за помалку од една недела. Според Netflix, во минатата година ова го постигнале дури 90% од претплатниците.
Листата на најгледани серии на Netflix изгледа вака:
- Orange is the New Black
- Breaking Bad
- The Walking Dead
- Stranger Things
- House of Cards
- Sons of Anarchy
- Fuller House
- American Horror Story
- Family Guy
- Grey’s Anatomy
Фактот што серии како „Orange is the New Black“, „Stranger Things“ и „House of Cards“ се најдоа на оваа листа покажува дека Netflix навистина добро работи на ТВ пазарот и знае како да ја уреди програмата на платформата за да има подеднакво добар критички и финансиски успех.