Почнува УС Опен, последниот Грен слем турнир во сезоната, а Новак Ѓоковиќ е првиот носител кој ќе се бори да освои календарски грен слем по освојувањето на трофеи на Австралија Опен, Ролан Гарос и Вимблдон.
Притисокот е голем и самиот Новак Ѓоковиќ на последните два натпревара на Вимблдон рече дека чувствува голем притисок, но дека добро се справува со него.
Во првото коло ќе игра со Холгер Руне кој е новата надеж на данскиот тенис, но оваа пречка ќе ја мине лесно. Во второто коло ќе игра најверојатно со Штруф и иако Новак нема пораз од него, тој може да биде незгоден ривал.
Во третото коло најверојатно ќе игра со Гофен, а во осминафиналето ќе игра со Алекс Деминор кој е надвор од форма и Новак најверојатно исклучително лесно ќе ја мине оваа фаза. Истото важи и за Карацев, но не е нужно дека тие ќе бидат неговите противници бидејќи тука се Фриц, Томсон, Бруксби.
Во четвртфиналето ќе игра со Матео Беретини за кој не се знае во каква форма е бидејќи поради повредата лесно изгуби на Мастерсот во Синсинати.
Александар Зверев е апсолутниот фаворит за полуфиналето на УС Опен и тој е најголемиот проектиран противник на светскиот рекет број 1.
Незгоден противник на Ѓоковиќ ќе биде и Циципас, со оглед на тоа колку беше неизвесна борбата во финалето на Ролан Гарос.
Ова се само проектирани противници, а наскоро ќе видиме како ќе се одвиваат работите на турнирот.
Читајте наредно: Ѓоковиќ на УС Опен ќе носи часовник вреден 19.000 евра