Forbes објави нова листа на најбогатите славни личности во изминатите 10 години. Најплатените светски ѕвезди заработиле вкупно 6,1 милијарда долари оваа година, што е пад од 200 милиони долари во однос на изминатата година.
Со оглед на економската криза и рецесијата со која е соочен светот, најбогатите сепак не се многу оштетени.
Податоците на Forbes покажуваат дека Кајли Џенер и Кање Вест се и понатаму на врвот на листата. Кајли го збогати богатството благодарение на нејзините козметички производи со заработка од 590 милиони долари, а договорот со Adidas на Кање Вест му донесе заработка од 170 милиони долари.
На листата се и познати спортисти. Така, Роџер Федерер заработи 106 милиони долари, Кристијано Роналдо 105 милиони долари, а Лионел Меси 104 милиони долари.
Од светот на музиката и актерството, најголема заработка остварија Двејн Џонсон – 87,5 милиони долари, Аријана Гранде од 72 милиони долари. И Рајан Рејнолдс има одлична заработка од 71.5 милиони долари.
Forbes објави и видео во кое е прикажано како се менувала листата на најбогати во изминатите 10 години. Така, може да се види како славната водителка и актерка Опра Винфти од 2010 до 2012 година била на првата позиција со заработка од 300 милиони долари. Потоа позициите се менуваат, на лидерската позиција се Мајкл Беј и Стивен Стилберг, па и Мадона.
Бројни музичари се менуваат на листата на Forbes, но откако на врвот е Кајли Џенер, никој од славните не успева да ја достигне.