Мед, прополис и лекови без рецепт би требало да бидат прв избор во лекувањето на кашлицата кај поголемиот дел од пациентите, се вели во новите препораки на британскиот Национален институт за здравство.
Докторите во ретки случаи би требало да препишуваат антибиотици за лекување на кашлица, бидејќи во поголемиот дел од случаите тие не дејствуваат на главните симптоми, велат докторите од споменатиот институт.
Тие тврдат и дека инфекциите се потешко се лекуваат, поради отпорноста на бактериите на антибиотиците.
Топол напиток со мед, лимон и ѓумбир е добро познат домашен лек за кашлица и надразнето грло. Мед, прополис, лимон и слични растителни производи ги ублажуваат симптомите на кашлицата.
Лекови против кашлица
Медот, насекаде ширум светот се користи како природен лек против кашлица. Тој е сигурна и ефикасна алтернатива во традиционалната медицина.
Британскиот институт за здравје препорачува и лекови против кашлица, кои се препишуваат без рецепта, а содржат екстракт од корен на пеларгонија (Pelargonium sidoides), кој спаѓа во групата на лекови кои активираат производство на плунка и ја прават кашлицата попродуктивна, односно го олеснуваат искашлувањето.
Сувото и надразнето грло се лекува со некои од споменатите лекови за ублажување на кашлицата, меѓутоа ако состојбата не се подобро, тогаш се советува посета на доктор.
Кашлицата не е болест
Кашлицата не е болест, туку симптом за бројни болести и по правило природен, заштитен рефлексен механизам на респираторниот систем.
Најчест причинител за кашлицата е акутна инфекција на дишните патишта, а најчести причинители се вирусите на кои антибиотиците не дејствуваат.
