Со развојот и напредокот на електричните возила се зголеми и надежта дека ќе дојде денот кога автомобилите воопшто нема да загадуваат. Автомобилските компании се наоѓаат во трка која ќе произведе подостапен и поевтин автомобил, а според проекциите, електричните автомобили би можеле да станат достапни исто како дизел и бензин возилата до 2022 година.
За да се долови напредокот на автомобилските компании, организацијата The Carbon Disclosure Project направи истражување во кое ги рангираше најеколошките производители на автомобили во светот.
Според ова истражување, BMW, Daimler и Toyota ги произведуваат најеколошките автомобили на светскиот пазар.
Истражувањето го забележуваше прогресот на автомобилските компании во три сфери: колку компаниите се придржуваат до регулаторните стандарди, стратегиите на користење на техонологиите на автономно возење и обновлива енергија, и напорите на менаџментот да се намалат штетните издувни гасови.
На самото дно на листата се најде јапонската компанија Subaru, која беше најлошо оценета од сите автомобилски производители кои беа дел од истражувањето.
Во последно време компаниите се соочуваат со поголеми трошоци за да можат да ги исполнат со построгите еколошки стандарди кои во изминатиот период беа наметнати за сите производители. Сепак, според CDP, овие трошоци ќе станат незабележителни со модернизирањето на процесот на производство и до 2022 година електричните автомобили ќе бидат достапни за секого, исто како што е сега случајот до бензинските и дизел возила.