Последниве децении градбите на планетава стануваа сѐ поголеми и повеличествени. Но, не сите проекти го доживеаја крајот.
Меѓу петте најголеми мегапроекти кои никогаш не се реализирале има некои чија изградба никогаш не почнала и останале само како проекти, но има и некои чија изградба е застаната.
Еден таков огромен проект е Шанјун Интернејшенл, нов град во Кина направен во европски стил чија изградба застана во 2014 година поради корупциски скандал. Компанијата која го градеше банкнотираше, па сега недовршениот град знае празен, недовршен и дом на животни скитници.
Во Лондон се планираше изградба на пешачки мост наречен Лондон Гарден Бриџ кој ќе претставува висечка зелена градина. Мостот плански е нацртан, но изградбата никогаш не започна откако стана јасно дека проценките за трошоците се далеку поголеми од планираните, а требаше да биде финансиран од донации. Во август 2017 Англичаните дефинитивно се откажаа од неговата изградба.
Откако во 2010 година на Катар му беше доделена организацијата на фудбалскиот Мундијал во 2022 година, Катарците веднаш започнаа многу проекти, меѓу кои и Доха Шарк преминот преку Заливот Доха. Пренатрупаноста на градежната индустрија во Катар ја стави Владата во позиција да мора да исфрли некои проекти, а меѓу нив се најде и грандиозниот премин. Но, за Доха Шарк има надеж бидејќи тој е само оставен за во иднина, не и откажан.
Затворената Северна Кореја едно време во минатото имаше намера да прими илјадници странски туристи. За таа цел кон крајот на 80-тите беше најавена изградбата на грандиозниот хотел Рјугјон во главниот град Пјонгјанг. Пирамидалното огромно здание финансирано од СССР згасна во 1992 година кога парите секнаа поради падот на комунизмот. Денес служи како огромно рекламно пано за државната пропаганда.
Петтиот незавршен мегапроект е кинески облакодер наречен Голдин Фајненс 117. Лоциран во градот Тјенцин во североисточниот дел на Кина, облакодерот почна да се гради во 2008 година и доколку завршен треба да биде висок 596,6 метри, но изградбата запре во декември 2019.
Видео-објаснување за секој проект посебно:
