Сингапур, Хелсинки и Цирих се најпаметните градови во светот, судејќи според швајцарска анализа објавена среде дебата за иднината на урбаниот дизајн во постпандемиско доба.
Од паметни сообраќајни камери и апликации за заеднички возења на автомобили до надзор на хигиена и бесплатен безжичен интернет, градовите во светот се натпреваруваат во прифаќањето на технологиите. Експертите велат дека вистинското прашање е колку граѓаните имаат корист од сето тоа.
„Најпаметните светски градови не ја прифаќаат новата технологија по автоматизам, туку се трудат со тоа навистина да го унапредат животот на граѓаните“, вели Артуро Брис од Швајцарскиот Институт за управување на развојот, кој втора година по ред го објави извештајот за Smart City Index.
Во новата анализа се испитани 13.000 луѓе од 109 градови кои одговарале на прашања за ефектите од технологијата во шест подрачја: здравство, безбедност, мобилност, активности, свечености и управување.
По Сингапур, Хелсинки и Цирих, следат Окланд, Осло, Копенхаген, Женева, Тајпеј, Амстердам и Њујорк. Експертите велат дека пандемијата на COVID-19 го забрза преминувањето кон позелени, паметни градови.
Истражувањето, исто така, покажало дека тешко е да се поттикнат мегаградовите да станат паметни, односно помалите градови имаат предност.