Свет

Кои се последиците од топлотните бранови?

5. декември 2019 - 20:58 | М.С.

Големите топлотни бранови земаат данок од сиромашните, но и од богатите земји.

Според глобалниот индекс на климатските ризици, Јапонија е најзагрозената земја во 2019 година, а ја погодија екстремно високите температури во лето, обилните врнежи и најсилниот тајфун, пишува B92.net.

Германија, втората земја со најголема развиена индустрија е на трето место затоа што го доживеа најтоплиот период од април до јули годинава, со што починаа повеќе од 1.200 луѓе.

Индија е на петтото место. Оваа земја беше најпогодена од најдолгиот топлотен бран кој ги донесе страшните монсунски поплави и циклоните.

Во 2018 година со силниот топлотен бран во Јапонија настрадаа 138 луѓе, а повеќе од 70.000 беа хоспитализирани.

Ширум Европа, научниците пресметаа дека веројатноста од екстремните топлотни бранови е поголема за 100 пати за разлика од пред еден век.

Силното невреме во меѓувреме ги опустоши и Филипините кои се на второ место на основата на индексот на климатскиот ризик, а тајфунот Мангат им нанесе голема штета.

Мадагаскар се најде на четвртото место затоа што во двата циклона настрадаа 70 луѓе, а 70.000 беа принудени да го напуштат својот дом.

Во Кенија и Руанда кои се најдоа на седмото и осмото место, сезонските дождови кои беа многу пообилни од вообичаеното предизвикаа поплави кои ги уништија куќите и добитокот и поттикнаа развиток на болести.

Коментирај