Бадемите се богати со протеини, витамини и влакна, се смета дека треба редовно да се јадат бидејќи го намалуваат ризикот од здравствени проблеми како канцер, срцеви заболувања, дебелина и дијабетес тип 2.
Иако имаат голема количина масти, го штитат срцето. Најдобро е сепак да ги јадете умерено, бидејќи содржат голем број калории. Само четири бадеми на ден можат да направат многу за вашето здравје. Даваат добра количина на витамин Е, манган и магнезиум. Во помали количини содржат бакар, калциум, рибофлавин, железо, цинк и фосфор.
Кои предности ќе ги почувствувате ако јадете по четири бадеми секој ден?
1. Поволно влијаат на холестеролот
Го намалуваат лошиот ЛДЛ холестерол, а го зголемуваат добриот ХДЛ холестерол. Тоа е важно бидејќи високиот холестерол претставува ризик за сите видови здравствени компликации како срцев удар, мозочен удар, болести на периферни артерии и слично.
Кога нездравиот чипс го замените со бадеми, лошиот холестерол може да го намалите за 10%.
2. Посилна и посјајна коса
Бадемите може да ви ги дадат скоро сите витамини и минерали потребни за подобрување на вашата коса. За да го поттикнат растот, бадемите содржат магнезиум и цинк. Витаминот Е има антиоксидативни својства кои го намалуваат оксидативниот стрес и ја прават косата посилна. Витаминот Б придонесува за природен сјај.
3. Помал ризик од срцеви тегоби
Влакната, витаминот Е, омега-3 масните киселини и билните стероли помагаат во здравјето на срцето. Бадемите се одличен извор на л-аргинин, за кој се покажа дека ги прави флексибилни ѕидовите на артериите и на тој начин има помали веројатности дека ќе се развијат крвни згрутчувања кои може да го блокираат протокот на крвта и да предизвикаат застој на срцето.
4. Ги намалуваат брчките
Бадемите може да помогнат во спречување на прерано стареење затоа што содржат манган и витамин Е. Манганот е протеин кој помага во создавање на колаген, а витаминот Е во состојба е да ја заштити кожата од оштетувања така што го апсорбира УВ зрачењето од сонцето.
5. Подобра мозочна функција
Студиите покажуваат дека внесот на големи количини витамин Е во исхраната може да помогнат во спречување на пропаѓање на когнитивниот дел во мозокот поврзан за стареење, како и за зачувување на паметењето.
Магнезиумот во бадемите ги подобрува нервите во мозокот, додека протеинот помага во обновување на клетките на мозокот со што се подобруваат когнитивните функции.
