Досегашните информации упатуваат на тоа дека омикрон предизвикува поблага клиничка слика кај заболените, но се шири побрзо од претходните варијанти.
Докторите предупредуваат да обрнете внимание на овие два симптома кои може да укажат дека сте заразени со омикрон.
Уште на почетокот на пандемијата, Центарот за контрола и превенција на болести (CDC) ги стави мачнината и повраќањето на листата можни симптоми на COVID-19. Но, докторите сега предупредуваат дека токму овие два симптоми би можеле први да се појават кај пациенти заразени со варијантата омикрон.
„Кај делта симптомите на горните дишни патишта беа многу сериозни и се јавуваа во белите дробови. Пациентите имаа воспаление на белите дробови, проблеми со дишењето и завршуваа на респиратор“, вели Бил Адмајс, главен медицински службеник во болница во Алабама.
Сега, пациентите со омикрон варијантата во поголема мера имаат гастроинтестинални проблеми и повеќе симптоми.
Истражување објавено во Journal of Microbiology, Immunology and Infection покажа дека желудочните проблеми релативно се чести рани симптоми на вирусот.
Во истражувањето се наведува дека мачнина и повраќање се појавува и кај возрасните и кај децата и дека тоа би можеле да бидат почетните симптоми на инфекцијата. Токму гастроинтестиналните симптоми може да бидат знак дека некој е заразен со омикрон, односно дека не станува збор за настинка.
Овие два симптоми почесто се јавуваат кај луѓето кои се целосно вакцинирани или примиле бустер доза.