Милиони луѓе низ светот секојдневно пијат витамини за да го одржат здравјето и подобрат имунитетот. Но, некои витамини немаат позитивен ефект ако ги консумирате во погрешно време од денот.
Суплементите се неопходни, особено ако не се храните правилно, советуваат експертите. Поради брзиот начин на живот, јадеме преработена храна која не е богата со хранливи материи, пишува Eat This.
Сепак, пред да земете суплементи, треба да се консултирате со вашиот лекар, кој ќе ви препорача што треба да земате и во кој период од денот, советуваат експертите.
Б витамини
Постојат осум групи на витамини Б, секоја има важна улога во енергијата на организмот и одржувањето на здравјето на клетките. Витамините од групата Б се препорачува да се земаат наутро бидејќи, на пример, витаминот Б6 може да влијае на квалитетот на сонот ако се зема навечер.
Витамин Д и калциум
Калциумот и витаминот Д заедно подобро се апсорбираат и подобро е да се земаат во текот на денот, со обилни оброци. Во текот на ноќта се зголемува мелатонинот кој го поттикнува сонот и земањето витамин Д може да го наруши спиењето.
Рибино масло
Рибиното масло е здраво за секого, но доколку се земе во погрешно време може да има негативни последици. Богато е со масти, па ако го земате пред спиење може да предизвика дигестивни проблеми.
Истражувањата покажаа дека најдобро се апсорбира наутро со појадок или ручек.
