Жените повеќе би сакале да страдаат во тишина на работа отколку да признаат дека се борат со некои здравствени состојби, покажа ново истражување.
Приближно 60 проценти од жените признале дека не би им било удобно да разговараат со работодавецот за теми како што се менструални грчеви, брисеви, прегледи на дојка или менопауза. Истражувањето е спроведено меѓу 2.000 возрасни жени.
Приближно 36 отсто од жените рекле дека би се засрамиле, а 22 отсто рекле дека ќе молчат се бидејќи не сакаат да изгледаат мрзливи пред колегите.
Не се работи само за непријатност на работното место кога станува збор за вакви и слични теми, бидејќи некои жени исто така признале дека одбиваат да разговараат за проблеми по бременоста со своето семејство и пријатели.
Д-р Кетрин Рутланд вели: „Никој не треба да страда во тишина, а нашето истражување покажува дека премногу жени во ОК го прават токму тоа. Без разлика дали на работа или во приватниот живот, жените се чувствуваат непријатно или непријатно им е да зборуваат за сосема нормални здравствени проблеми. Време е да се срушат тие бариери и да се отфрлат табуата“.
Студијата, исто така, покажа дека 47 отсто од вработените испитаници не мислат дека нивните работодавци ги разбираат здравствените проблеми кои особено влијаат на нивниот пол.
Додека 43 отсто од нив се загрижени дека ќе ги сметаат за слаби, 47 отсто не мислат дека нивниот проблем ќе биде препознаен како здравствен проблем.
И покрај тоа што 54 отсто од жените немаат проблем да зборуваат за општи здравствени состојби, како што се грип, болки во грбот и слични проблеми, 43 отсто молчеле дека имаат проблеми кои се карактеристични за жените.
Меѓу проблемите кои најчесто се чуваат во тајност, жените ги истакнале менструалните грчеви (33 проценти) и проблемите со менопаузата (18 проценти). 13 отсто од жените страдале од последиците од абортус и не му кажале ништо за тоа на својот работодавец.
Д-р Рутланд додаде: „Обезбедуваме пристап до здравствена заштита веќе 150 години, а по овој увид сфаќаме дека треба да се направи повеќе. Затоа охрабруваме милион пријатни разговори за здравјето на жените во 2022 година“, пишува The New York Post.
