Олимписките игри изобилуваат со знамиња во најразлични бои, но има и знамиња што се забранети.
Сеприсутно и на фудбалските натпревари и на фестивалите, дури и во најоддалечените краеви на планетата, бретонското знаме отсуствува од Олимписките игри во Париз. Носењето т.н. Gwenn ha Du (гвена-ди - бело-црно) знаме в рака за да се покаже гордост или поддршка на локален спортист е забрането на стадионите каде што се одржува олимписки настан. Правило кое важи за сите регионални знамиња. Прописите на Меѓународниот олимписки комитет (ИОК) предвидуваат дека само нациите учеснички се овластени да ги истакнуваат своите знамиња на стадионите или арените на Игрите.
Забрането е и знамето во боите на Ватикан, кој не учествува во најмасовното спортско натпреварување. Баскиското и корзиканското знаме ја имаат истата судбина, бидејќи претставуваат региони без олимписки комитет. Во 2012 година, случајот со таткото на Ежени Ле Сомер предизвика контроверзии и ја скандализираше Бретања за време на Олимписките игри во Глазгов (Игрите беа во Лондон, но имаше натпревари и во други градови нив Британија). За да ја поддржи својата ќерка која играше фудбал, Тјери Ле Сомер накратко го извади своето бретонско знаме, пред полицијата да го конфискува и за малку да го избрка од стадионот.
Сепак, постојат исклучоци. Веењето на знамињато на Англија или Шкотска најчесто е прифатено за спортист од Обединетото Кралство. Но, понекогаш земјата домаќин на Игрите е построга. За време на Игрите во Пекинг во 2008 година, знамињата на Шкотска или Велс беа забранети. Тоа е начин да се спречи присуството на знамиња што носат политичка порака, како што е барањето за независност на пример.
Така, освен знамињата на Бретања, Баскија, Корзика и Ватикан, забранети се и знамињата на Каталонија, Абхазија, Јужна Осетија, Галиција, Транснистрија и сите сепаратистички региони што бараат независност, но дури и оние што немаат такви амбиции, а сѐ поради правилото на ИОК дека може да се истакнувата само знамиња на земји што учествуваат на Игрите.
На пример, знамето на Палестина е дозволено бидејќи Палестина има свои спопртисти во Париз, иако земјата официјално не е призната како држава.
Поради суспензијата на Русија, а поради војната во Украина, забрането е и руското знаме. Руските спортисти настапувата на Игрите, но под неутрално знаме, односно она олимпиското.
