Филмскиот фестивал во Кан полека привршува, а покрај одличниот црвен тепих на кој блеснаа некои од најголемите ѕвезди, беа претставени и некои од долгоочекуваните наслови. Сепак, еден од нив се истакна.
Публиката и критиката не престануваат да зборуваат за „Triangle of Sadness“ на наградуваниот шведски режисер Рубен Остлунд, откако филмот беше претставен на фестивалот.
Една од главните улоги во оваа црна комедија ја играше Вуди Харелсон кој го отелотвори ликот на капетан на брод.
Филмот ја следи познатата двојка Карла и Јаја, кои ги играат Харис Дикинсон и Чарлби Дин, кои одат на крстарење за ултрабогати. По несреќа, тие заглавуваат на пуст остров заедно со група милијардери и чистачка каде што почнуваат да ги преиспитуваат своите улоги во животот на другиот.
Откако беше претставен, „Triangle of Sadness“ беше проследен со аплауз кој траеше осум минути, по што Остлунд рече дека поради тоа се чувствува како да е на „фудбалски стадион“.
Variety исто така истакна дека овој филм „ги засени сите досегашни филмови, па дури и Top Gun, а Харелсон имаше порака за гледачите, за кои ова беше незаборавно искуство.
„Остлунд може да ве направи несреќни. Ве тера да размислувате. Може да ве натера да се чувствувате како да има поента да го гледате филмот и уште поважно, ве тера да се смеете цело време“, заклучи славниот актер.
Шведскиот режисер последен пат се појави во Кан со филмот „The Square“ од 2017 година, кој му ја донесе Златната палма.