Европјаните сакаат германски автомобили – ова не е претпоставка, туку факт. Според податоците од вкупно 31 европска земја, најпродаваниот автомобилски бренд за 2018 година е Volkswagen, исто како и минатите две години.
Скандалите во кои беше вмешан Volkswagen во изминатите неколку години не направија никаква разлика за купувачите, кои и понатаму го преферираат овој бренд во однос на останатите на пазарот.
Volkswagen убедливо ја држи првата позиција со 1.746.674 продадени возила во 31 европска земја, односно 11,2% од вкупниот број на продадени возила доаѓаат од оваа германска компанија, објави focus2move.com.
На втората позиција се најде Renault, кој во 2018 година на купувачите им испорача 1.097.286 возила, додека на третата позиција е Ford, кој минатата година продаде вкупно 1.013.938 возила, што беше доволно за да освои 6,5% од пазарот.
Интересно е тоа што помеѓу првите десет производители се најде само еден од азискиот континент, и тоа Toyota, која се најде на десеттата позиција. Од друга страна, во Топ 10 се најдоа дури 5 германски производители.
Топ 10 најбарани автомобилски брендови во Европа:
1 – Volkswagen
2 – Renault
3 – Ford
4 – Peugeot
5 – Opel
6 – Mercedes
7 – BMW
8 – Audi
9 – Škoda
10 - Toyota