Во тек е деветтото коло од Премиер лигата и засега три тима имаат по 20 бода на врвот на табелата – Манчестер Сити, Челзи и Ливерпул.
Вест Хем е далеку на 15-тата позиција со 7 бода, но неговиот голман, полскиот репрезентативец Лукаш Фабијански, има остварено 36 одбрани во досегашниот дел од Премиер лигата и моментално е најдобриот голман на шампионатот.
Полјакот кој летово премина од Свонси во Вест Хем, зад себе ги остави голманот на Барнли, Џо Харт, кој има една одбрана помалку (35), и Нил Етериџ од Кардиф кој оствари 30 одбрани досега.
Тренерот на Вест Хем Мануел Пелегрини донесе звучни имиња во тимот во овој преоден рок, но се чини најголем погодок му беше тоа што го донесе 33-годишниот Фабијански од редовите на Свонси.
Вест Хем денеска од 16 часот игра против Тотенхем, во лондонското дерби од деветото коло на Премиер лигата.