Резултатите од новото истражување кое било спроведено на Универзитетот Оксфорд покажало дека наглото откажување на цигари навистина е најдобар и најефикасен начин да прекинете со пушењето.
За време на истражувањето, научниците дошле до сознанија дека пушачите кои наеднаш прекинуваат со пушење имаат дури 25 отсто повеќе шанси за после четири недели и натаму да не пушат, но и 42 отсто повеќе шанси да не пушат и во наредните шест месеци.
Ова, за жал, не важи за оние кои постепено се обидуваат да ги остават цигарите пред да донесат конечна одлука за тоа.
Имено, објаснувањето се крие во тоа што лицата кои го намалуваат бројот на испушени цигари потешко се одлучуваат со тоа да прекинат, а таа пракса воедно и ја зголемува потребата од цигара.
Ако пак наеднаш одлучите да не пушите, тогаш автоматски веднаш се помирувате со тоа дека цигарите нема да бидат дел од наредниот период од вашиот живот.
Исто така, ментално ќе се чувствувате подобро и вашето тело нема да има потреба од никотин.
Една година откако ќе прекинете со пушењето ризикот од кардиоваскуларни заболувања се намалува за 50 отсто.