Престижниот француски медиум, „L'Equipe“, го претстави најлошиот тим од Светското првенство, кое неодамна се одржа во Русија.
Францускиот спортски дневник, на столбот на срамот ги истакна „најлошите од најлошите“ - со мизерни оценки во распон од 2 до 3,67 од максимални 10, помеѓу кои се најдоа и тројца репрезентативци на Германија.
На голманската позиција е избран Аргентинецот Вили Кабаљеро, со катастрофална оценка од 2,5.
Во дефанзивната линија му се приклучуваат Полјаците Лукас Пишчек (3) и Рејбус (3), односно Мексиканецот Едсон Алварез (3) и Костариканецот Оскар Дуарте (3).
Помеѓу посрамените играчи се најдоа и две големи имиња, станува збор за Сами Кедира (2) и Месут Озил (3), фудбалерите од средниот ред на Германија, кои се означени како главни виновници за катастрофалната елиминација во групната фаза, на четирикратниот Светски првак.
Во средниот ред, имаме уште еден претставник на Полска, а станува збор за Горалски, кој доби оценка од 3,5.
Во тимот на „ L'Equipe“, како најлоши напаѓачи, се избрани Германецот Томас Милер (2,5), Нигериецот Ихеначо (3,5), како и Данецот Пионе Систо (3,67).