Кој е најопасниот вулкан во Европа?

Супервулканите имаат многу поголема разорна моќ, но за среќа, ваквите деструктивни ерупции се многу ретки.

Највисокиот вулкан во Европа, Етна на Сицилија, жестоко еруптираше минатиот понеделник. Фрли пирокластичен материјал во висина од повеќе од 100 метри, а пепелта зафати поголем дел од покраината Катанија. Набргу откако започна ерупцијата, поради паѓање вулканска пепел на земјата, сообраќајот за велосипеди и мотоцикли беше запрен, а меѓународниот аеродром Катанија, 30 километри јужно од Етна, ги прекина сите летови.

Иако ерупцијата стивна во средината на неделата, нејзините траги како пепел, вулкански материјал и камења со големина до десет сантиметри предизвикаа бројни штети на возилата. Немаше материјална штета, но спектакуларните сцени на ерупцијата кои го обиколија светот, повторно нè потсетија на моќта на Етна, најактивниот вулкан во Европа.

Што е вулкан?

Вулкан е отвор во Земјината кора преку кој растопени минерали, вулканска пепел и одредени видови гасови избиваат од подземните комори. Магма е името на стопената материја, блескавата течна маса во утробата на Земјата. Кога магмата избива и почнува да тече низ површината на Земјата, таа се нарекува лава. На нашата планета има приближно 1.500 потенцијално активни вулкани, од кои околу 500 избувнале откако луѓето започнале да ги следат и снимаат вулканските активности. Повеќето вулкани се наоѓаат на Алјаска, Хаваи, планинскиот венец Каскади во северозападниот дел на САД, како и во Исланд, каде има дури 30 активни вулкани.

Кој е најопасниот вулкан во Европа?

Многу научници веруваат дека најопасни се планината Везув и супервулканот Кампи Флегреи во близина на Неапол и околината каде што живеат повеќе од три милиони луѓе. Везув е формиран како резултат на судир на две тектонски плочи, Африканската и Евроазиската. Се смета за еден од најопасните вулкани во светот поради неговата близина до градот Неапол каде (заедно со околината) живеат повеќе од три милиони луѓе. Везув е стратовулкан, што значи висок, конусен вулкан кој се состои од многу слоеви на закоравена лава, пирокластичен материјал и вулканска пепел. За разлика од вулканите со штит, стратовулканите се карактеризираат со стрмен профил и периодично менување на експлозивни и мирни ерупции. Лавата што излегува од стратовулканот обично се лади и се зацврстува пред да започне да се шири, поради високиот вискозитет. Според податоците од 2013 година, Везув бил висок 1.281 метар. Научниците веруваат дека Везув досега еруптирал повеќе од 50 пати.

Кои се најпознатите ерупции на Везув?

Ерупцијата на Везув на 24 август 79 година е најпозната во историјата и ги затрупала градовите Помпеја, Херкуланеум и Стабија. Од 79 година до денес се забележани триесетина ерупции на Везув. Последната голема ерупција беше забележана во 1631 година, при што загинаа 6.000 луѓе. Вулканот еруптираше шестпати во 18 век и осумпати во 19 век. Во 20 век се забележани три ерупции: 1906, 1929 и 1944 година. Последната ерупција се случи во деновите помеѓу 18 и 24 март 1944 година, а потоа беа убиени 26 лица, додека 12.000 луѓе беа евакуирани.

Што се супервулкани?

Тоа е вулкан со огромна деструктивна моќ што претставува голема опасност за животната средина. Супервулканот Кампи Флегреи (според грчки збор phlox, што значи оган), петнаесет километри западно од Неапол, има многу поголема максимална експлозивност од планината Везув. Ова значи дека неговите максимални можни ерупции се крајно поразителни во однос на максималната ерупција на Везув. За среќа, ваквите разорни ерупции се многу ретки и се забележани во областа Кампи Флегреи пред 39.000 и 15.000 години. Последен пат експлодирал во 1538 година, но ерупцијата била слаба. Најголемиот супервулкан во светот е Јелоустоун Калдера. Еруптирал трипати во последните 2,2 милиони години, а последен пат тоа се случило пред 70.000 години. Сè уште активен, супервулканот е под постојан надзор на научниците. Имено, се претпоставува дека неговата ерупција би имала моќ од 500 атомски бомби.

реклама

Откриен е нов сој: Високозаразен, ја намалува ефикасноста на вакцината

Read more

Вучиќ прикажа фотографии со оружје и безживотни тела со траги на мачење

Read more

Пирати, блуд и неморал: Како „Божјата казна го стигна најгрешниот град во светот“?

Read more

Овие се седумте најдобри мобилни телефони во светот

Read more

Наука

Како се случува земјотрес?

Read more

Роверот на НАСА првпат се движеше по површината на Марс

Read more

Научници развиваат вакцина против COVID-19 во форма на спреј

Read more

Роскосмос почна да работи на Венера-Д орбиталната станица

Read more
 

Гик

Откриен е нов сој: Високозаразен, ја намалува ефикасноста на вакцината

Читај повеќе
  • play_arrow

Како се случува земјотрес?

Читај повеќе

Дали уште имате Nintendo Wii? Имаме одлични вести за вас

Читај повеќе
  • play_arrow
  • filter

Пристигна смартфонот со најбрз екран на пазарот

Читај повеќе
  • play_arrow

Водич за почетници: Како да ја користите платформата за графички дизајн Canva?

Читај повеќе

Овие се седумте најдобри мобилни телефони во светот

Читај повеќе
  • filter

Роверот на НАСА првпат се движеше по површината на Марс

Читај повеќе
  • play_arrow
  • filter

Xiaomi ја претстави новата серија Redmi Note 10

Читај повеќе

Научници развиваат вакцина против COVID-19 во форма на спреј

Читај повеќе