Медиумите во Шпанија го открија идентитетот на човекот кој влета гол на теренот во текот на натпреварот меѓу Манчестер Јунајтед и Гранада.
Во петтата минута од натпреварот меѓу Гранада – Манчестер Јунајтед (0 : 2) на теренот влета гол маж со густа брада и бушава, долга коса. Тој трчаше низ теренот, а потоа се фрли на тревникот и се тркалаше по него. Настанот беше пренесен во живо, а голиот натрапник наскоро стана славен на социјалните мрежи.
Граѓаните на Гранада веднаш знаеја за кого станува збор, голиот човек се вика Олмо Гарсија и е познат бизнисмен.
Тој е уште попознат по тоа што во јавноста често се појавува целосно гол. Така е снимен како гол шета покрај улица или во трговски центар.
Гарсија тврди дека на тој начин се бори за зачувување на природната средина.