Франсоа Летисје ќе ја дели правдата на финалето на Европското првенство меѓу Шпанија и Англија, кое ќе се игра во недела на 14 јули на „Олимпиаштадион“ во Берлин, соопшти Европската фудбалска федерација.
Ова ќе биде четврти натпревар во ова првенство за 35-годишниот француски судија. Веќе ги судеше натпреварите од групата фаза Данска - Србија и Хрватска - Албанија, како и осминафиналето меѓу Шпанија и Грузија.
Тој беше и четврти судија на дуелот од отворањето меѓу Германија и Шкотска.
Летисје важи за еден од најдобрите судии од помладата генерација во Европа. Почна да суди во елитната класа на францускиот фудбал во 2016 година, на судиската листа на ФИФА е од 2017 година, а моментално е и на судиската елоитна листа на УЕФА.
Во својата кариера веќе одработи 65 официјални натпревари под покровителство на УЕФА.
