Американското Министерство за правда вчера соопшти дека отвора истрага за големите компании за дигитална технологија во напорите да се утврди дали и која од нив не игра фер, односно применува антиконкурентски тактики и пракси.
Целта на истрагата е да се утврди како дошле до моќ водечките онлајн платформи, дали ѝ штетат на конкуренцијата, дали ја потиснуваат иновацијата или на некој друг начин им причинуваат штета на потрошувачите.
Министерството за правда рече дека постои загриженост во областите „пребарување, социјални мрежи и онлајн малопродажба“.
Помошникот јавен обвинител Макан Делрахим рече дека без дисциплина во пазарната конкуренција, дигиталните платформи може да делуваат на начини што не им одговараат на потрошувачите.
Иако не беа нагласени имиња на компании, Reuters уште во јуни објави дека Министертсвото за правда подготвува истрага за да утврди дали Google, Apple, Facebook и Amazon ја злоупотебиле нивната моќ на пазарот.