Синоќа се одржа манифестацијата Мет Гала, а многу од познатите дами носеа креации на светски познатите дизајнери.
Мет Гала и Мет Бал е манифестација на која се собираат средства за Музејот на уметноста Метрополитен во Њујорк. Секоја година се одбира тема, а од гостите се очекува да одберат пригодна свечена облека.
Овогодинешната тема беше "In America: A Lexicon of Fashion" и целта беше да се прикаже историјата на американската модна индустрија во што подобро светло.
Па така, актерката Емили Блант се појави на црвениот тепих носејќи Miu Miu фустан преку кој имаше бела наметка. Носеше дијамантска нараквица и обетки. Изгледот беше инспириран од Хеди Ламар, актерка и ѕвезда на филмот “Ziegfeld Girl” oд 1941 година.
Манекенката Иман Боуви стигна во дизајн на Харис Рид со златен украс на главата, за кој биле потребни 400 часа работа за да биде готов. Рид изјави: „Се обидов да ја замислам најубавата жена на светот и веднаш на памет ми падна Иман”.
Манекенката Кендал Џенер се појави во дијамантски фустан на Givenchy. Инспирацијата е од Одри Хепберн во филмот „My Fair Lady” oд 1964 година.
Поп ѕвездата Били Ајлиш се одлучи за грациозна креација на Оскар де ла Рента. Многумина ја споредија со Мерилин Монро.
Ријана се појави во фустан на Balenciaga, а на главата носеше украс направен од 267 каратен дијамант.
Манекенката Џиџи Хадид носеше сатенски фустан на Prada, во комбинација со црни ракавици.