Секој од нас е малку „побогат“ со одредени хормони кои може дури и да ги одредат нашите карактерни особини, а со тоа и животниот сопатник.
Ова го тврди Хелен Фишер, научник и биолошки антрополог од САД.
Врз основа на неколкудецениското истражување на човечката природа, машко-женските односи, изборите кои ги правиме во љубовта, таа заклучила дека припаѓаме на одредени биолошки типови на луѓе, а според тоа и дошла до заклучоци кои типови на луѓе нѐ привлекуваат.
Фишер направи своја типологија на личности врз основа на тоа кој хормон преовладува во телото.
Истражувачи
Ова се личности кај кои доминира допаминот. Тие се исклучително љубопитни и креативни. Обожаваат промени, но и ризици. Сосема се спонтани, флексибилни и енергични.
„Истражувачите се енергични, а градителите муабетчии“
Градители
Луѓето кај кои преовладува серотонинот се друштвени, муабетчии, но со оглед на тоа дека се и луѓе кои ги почитуваат правилата, многу се внимателни во сѐ што прават. Но, не се плашливи. Многу ги бива за градење социјални врски и одржување добри односи со другите.
Преговарачи
Кај овие луѓе доминира естрогенот. Имаат широк поглед на светот, инвентивни се, интуитивни, внимателни, вешти во комуникацијата. Социјално интелигентни и емоционално освестени.
„Преговарачите се инвентивни, директорите одлучни“
Директори
Кога кај некого доминира тестостеронот, тоа значи дека е одлучен, аналитичен, непоколеблив, со натпреварувачки дух. Брзо ги сфаќа системите базирани на принципи, од механика до музика.
Фишер тестирала дури 7 милиони луѓе во 40 земји и заклучила дека истражувачите ги привлекуваат преговарачи, градителите-градители, директорите-преговарачи, а преговарачите ги привлекуваат директори.