Италијанската премиерка Џорџа Мелони, освен што е во фокусот на јавноста поради низата политички одлуки кои ги носи, а кои се однесуваат на ЕУ и Италија, често е тема на социјалните мрежи и поради изразите на лицето кои ги снимиле камерите на бројни состаноци.
Така, магазинот Politico посвети посебен напис на овој сегмент од Џорџа Мелони и напиша дека некои лидери се одлични говорници, но дека други можат да ги пренесат своите најдлабоки чувства само со поглед.
Италијанската премиерка тоа го покажа на последниот самит на НАТО во Вашингтон, кога камерите забележаа конкретни изрази на лицето за време на средбата со турскиот претседател Реџеп Тајип Ердоган, но и во моментите кога чекаше во салата да пристигнат генералниот секретар на НАТО Јенс Столтенберг и американскиот претседател Џо Бајден.
Со оглед на тоа дека ова не е првпат италијанската премиерка да покажува, може да се каже, исклучително специфични изрази на лицето, магазинот Politico избра неколку нејзини фотографии и додаде описи кои најдобро би можеле да ги опишат, а корисниците на социјалните мрежи веќе ги користат за да опишат разни расположенија.
„Кога ќе речат дека состанокот ќе биде во 10 наутро, а сега е 10:30 и нив уште ги нема“
Описот за втората фотографија на која Мелони разговара со Сунак е следен:
„Кога се обидуваш да изгледаш заинтересирано, ама мислиш само на ручекот“
Третата се однесува на изразите на лицето за време на говорот што го одржа на партиски состанок.
„Кога ќе допреш храна во мијалникот додека миеш садови“
На четвртата фотографија повторно е поранешниот премиер на Велика Британија.
„Кога колегата ќе ти каже виц, а ти треба да се преправаш дека е урнебесно смешен“
На една од фотографиите е и сега многу популарната сцена од средбата со Макрон.
„Кога ќе видиш некој за кој знаеш дека те озбоорува зад грб“
Во фокус на списанието беше и фотографијата од самитот на Г7.
„Кога си предолго во пабот и пријателите те прашуваат дали си добро“
