За прв пат во историјата, Италија ќе има жена премиер и тоа екстремната десничарка Џорџа Мелони. За разлика од многуте десничари, Мелони ја осуди руската инвазија на Украина, а има и необична страст кон делата на Џ. Р. Р. Толкин, особено за „The Hobbit“.
За што се залага Мелони?
Таа повика на повеќе бенефиции за семејствата, помалку европска бирократија, ниски даноци и запирање на имиграцијата. За цел има да ги затвори италијанските пристаништа за мигранти кои пристигнуваат од Либија.
Сака повторно да преговара за договорите со ЕУ и членството на Италија во валутната заедница на еврото. Нејзината партија го отфрла правото на абортус и бракови од ист пол.
Мелони е лидерка не екстремно десничарската партија „Италијански браќа“, која според прелиминарните податоци води на изборите.
„Италијанците испратија јасна порака за десничарска влада предводена од Италијански браќа. Ќе владееме за сите. Ќе владееме за да го обединиме народот“, рече Мелони во синоќешното кусо обраќање пред новинарите.
Нејзината партија поддржува политика на соочува со нискиот наталитет во земјата, предлагајќи отворање на бесплатни градинки и воведување семејна помош од 400 евра месечно. Не го фаворизира излегувањето на Италија д ЕУ блокот.
Мелони е блиска со унгарскиот националистички премиер Виктор Орбан, има врски и со американската крајна десница. Покажа цврста поддршка за Украина и НАТО од руската инвазија, создавајќи контраст на ставовите на поранешните лидери Матео Салвини и Силвио Берлускони, кои претходно ги поврзуваа со рускиот претседател Владимир Путин.
Левичарите ја нарекуваат „носталгичарка за фашистичките времиња“, но самата таа не бега од нејзиното минато, ниту јасно се оградува од него. Мелони во младоста била дел од младинско крило на неофашистичката партија. Тогаш имала 15 години, но дека верувала во слични ставови и подоцна покажува тоа што го водела студентскиот огранок на крајно десничарската „Национална алијанса“.
„Ние сме деца на нашата историја. На целата наша историја. Како што е случај со сите други народи, патот што го минавме е сложен, многу покомплициран отколку што многумина сакаат да се дознае“, наведе таа во нејзината биографија.
Голема љубителка е на делата на Толкин.
„Мислам дека Толкин би можел подобро од нас да каже во што веруваат конзервативците. Не сметам дека 'The Lord of the Rings' е фантазија“, изјави таа во една прилика.
