Започнува со работа Митра, нова македонска е-продавница фокусирана на квалитетна и широка понуда на производи од различни домашни и светски добавувачи.
Онлајн продавницата, основана од тим на две жени, е резултат на современиот животен стил и потребата за подигање на квалитетот на онлајн купувањето во државата.
„Митра е создадена спонтано, но не и случајно. Митра е резултат на нашиот животен стил, базиран на љубов, заедништво, дружење и потреба за комуникација. Животен стил кој прерасна во бизнис, со јасна намера да ја пренесеме нашата страст кон модерното, убавото и корисното“, вели една од основачките, Александра Бела Белчева.
Митра има за цел да им го подигне квалитетот на животот и да им заштеди време на македонските потрошувачи нудејќи внимателно избрани производи за домот, козметика, книги и забава, храна за миленици, облека, производи за бебиња, суплементи и друго, кои се лесно и едноставно достапни и кои ќе бидат доставени со експресна достава. Онлајн продавницата е со современ и минималистички дизајн, фокусиран на лесен преглед на производи, како и едноставно и безбедно Интернет пазарење.
Е-продавницата има и општествено одговорна компонента и се грижи за животната средина, поради што доставата ќе ја извршува со еко-пријателски возила, тротинети, точаци и електрични мотори, а производите ќе ги пакува во хартиени кеси и кутии.
Интерес побудува и изборот на Митра како име за онлајн продавница. Тимот на Митра објаснува дека името е одбрано поради неговото важно локално и глобално значење.
„Историски, Митра е заштитник и чувар на сите аспекти на меѓучовечките односи, како што се пријателството и љубовта. Нашата приказна исто така се темели на искрено пријателство кое особено многу ни помогна во стартување на нашиот нов бизнис“, објаснува Александра.
Е-продавницата е достапна на линкот: www.Mitra.mk како и на Facebook и Instagram. Од Митра најавуваат подароци за првите 50 купувачи.
*Промотивен текст
