За да функционира правилно, нашиот имунолошки систем се потпира на добар сон. Ако не спиеме добро, ќе ни треба подолго време да се избориме со вирусите и да заздравиме.
Според лекарите, има поза во која треба да спиеме кога сме болни. На сите пациенти им се советува да спијат во подисправена положба, односно да ја кренат главата, вратот и рамената за да се исцеди слузта поефикасно и да се намали назалната конгестија и течење на носот. Идеалната положба вклучува подигнување на горниот дел од душекот или поставување на неколку перници под главата или вратот.
А доколку ве мачи затнат нос, лекарите советуваат да вдишете топла вода пред спиење. Советуваат да ставите крпа преку глава и да го навалите лицето на тенџере со топла вода. Дозволете пареата и топлиот воздух да влезат во носот и белите дробови.
Напоменуваат дека тоа не значи дека треба да се тушираме или капеме во топла вода. Имено, жешката пареа може да ја подигне температурата на телото, што ќе направи да се чувствуваме уште полошо. Одржувањето на вашата спална соба темна и ладна е уште еден трик што може да ви помогне да спиете добро кога сте болни.
