Не стивнува интересот на светските медиуми за американската новинарка Хедли Гембл од CNBC, откако руските медиуми ја критикуваа тврдејќи дека намерно играла на картата на сексапилот за да го збуни Владимир Путин.
Водителката беше дел од седницата на енергетскиот форум во Москва на која учествуваше и рускиот претседател Путин.
Меѓу бизарните аргументи наведени од тамошните медиуми е и тврдењето дека го збунила претседателот со допирање на косата, оближување на усните, Louboutin чевлите со висока потпетица и слично.
Се чини дека целата ситуација не ја загрижи водителката па се фотографираше за насловната страница на еден руски медиум, покажувајќи ги нозете кои наводно го „збуниле“ претседателот.
На Instagram објави и торта со слика од Владимир Путин со натпис „Too Beautiful“.
Која е всушност Хедли Гембл?
За CNBC работи од седиштето за Блиски Исток во Абу Даби. Нејзината емисија, која се емитува секојдневно, и дава преглед на азиските пазари. Ангажирана е и во популарната франшиза на CNBC, Access: Middle East каде разговара со светски лидери, меѓународни директори и филантропи.
Нејзини гости биле египетскиот претседател Абдел Фатах ел Сиси, либанскиот премиер Саад Харири, саудискиот министер за надворешни работи Адел ал Јубеир, американскиот државен секретар Мајк Помпео и други.
Редовно известува од Светскиот економски форум во Давос, модерирајќи панели за различни теми. Има работено за ABC News и Fox News во Вашингтон, во емисии за светски политички настани како и во претседателски дебати.