Кога станува збор за нега на кожата – со помалку ќе постигнете повеќе.
Секако, освен ако немате некакви здравствени проблеми или состојба што бара конкретна нега или терапија, на вашата кожа всушност ѝ треба само основната хигиена.
Одбегнувајте жешка вода и долги туширања и лежења во када – тоа ја суши кожата.
Одбегнувајте сапуни и гелови за туширање што ја нарушуваат природната pH вредност на кожата, како и премногу парфимирани и ароматизирани средства што не само што ја сушат кожата, туку и содржат хемикалии што придонесуваат за намалување на нејзината природна влажност, еластичност и отпорност.
Туширајте се кратко со топла кон млака вода и не премногу често. Ако се туширате наутро, скокнете го вечерното туширање и обратно, за да ѝ дадете на кожата време да се опорави.
Не користете често пилинзи, скрабови и четка или луфа за бањање.
Кога станува збор за средствата за нега, користете квалитетни, со природни состојки, во мали количини.
Оставете ја кожата да го постигне својот природен баланс со средината. Не заборавајте дека хидратацијата доаѓа од внатре – пијте доволно течности и јадете свежо овошје и зеленчук.
Оставете ја кожата на раат, ќе ви биде благодарна.
