Која е вистината за Ѓоковиќ и зошто постојано e мета на критики?

Зошто никој не го сака Новак Ѓоковиќ? На Роџер Федерер му се восхитуваат дури и оние коишто не обожаваат тенис, но Ѓоковиќ постојано е мета на критики.

Светскиот рекет број 1 искрши два рекета во поразот од Пабло Карењо Буста на ЛОИ во Токио. Ова го означи крајот на Ѓоковиќ во остварување на Golden Slam, освојување на четири Грен слема и олимипско злато во истата година.

И шампионите имаат лоши денови, а овој пораз не го намали успехот и одличната година на Ѓоковиќ. Но и покрај неговите достигнувања, многу фанови се среќни за неговиот пораз. Во текот на целата негова кариера е мета на напади од публиката и медиумите. Заслужува ли да го третираат на таков начин?

Не е лесно да го сакате Ѓоковиќ. Понекогаш, откако ќе го победи противникот, се исмева на публиката која навива против него. Од друга страна пак, го подарува рекетот на детето кое навива за него, но медиумите како да не сакаат да го забележат тоа.

Ѓоковиќ исто така се извинуваше бидејќи организираше турнир во екот на пандемијата, додека сè уште траеше првиот бран кој заврши со неколку играчи позитивни на ковид, вклучувајќи го и него.

Без оглед на тоа како го нарекуваат неговите колеги, па и Пирс Морган кој го нарекува разгалено детиште, каква е вистината за Ѓоковиќ?

Надвор од теренот, Ѓоковиќ е многу пријатен и расположен. Со помош на неговата фондација собира и донира милиони долари за многу хуманитарни цели во Србија и светот. Само во овој период, неговото семејство донираше повеќе од милиони долари за набавка на медицинска опрема и респиратори во повеќе ковид-центри во Србија, иако беше обвинет дека го негира постоењето на вирусот и не сака да се вакцинира.

Зошто не го сакаат? За некои тениски навивачи тој е натрапник и како таков, се соочува со нешто што е многу полошо од обичен снобизам. Тој е момче од Балканот – не е грациозен како швајцарскиот шампион Федерер, ниту убавец како Шпанецот Надал, но и покрај тоа доминира на тенерените, постигнува огромен успех и е прв на листата.

Ѓоковиќ не е единствениот играч кој се нервира кога губи. Слични испади имаат и Серена Вилијамс и Роџер Федерер, но тие не се мета на критики од страна на медиумите како што е случајот со Новак. Зошто?

Новак е еден од најдобрите тенисери во светот, руши рекорд по рекорд. Тој е идол на многу млади луѓе во неговата земја и посветува време и пари за да им помогне. Многупати помага и се залага и за младите играчи кои допрва почнуваат со тенисот, но тоа минува незабележано. Па затоа, има многу причини поради кои луѓето треба да му се восхитуваат, а не да го критикуваат, иако понекогаш ги губи нервите на терен.

реклама

Италија личи на чизма, Албанија на кондом, а Македонија?

Read more

Дали може да опстои бракот без секс?

Read more

Највисоките дрвја во светот завиткани во огноотпорни ќебиња за заштита од пожар

Read more

Нови мерки за влез во Швајцарија - новина и за невакцинираните

Read more

Тенис

L'Équipe: Солзите на Ѓоковиќ се лажни

Read more

Путин му честиташе на Медведев: Ѓоковиќ немаше шанси

Read more

Победата на УС Опен на младата Ема ѝ донесе огромна популарност на Instagram

Read more

Лејвер: Само храбро Новак, предизвикот продолжува

Read more
 

Спорт

  • play_arrow

Жоао Феликс доби два жолти картони за 10 секунди

Читај повеќе
  • play_arrow

Ајакс со неверојатни 9:0 израмни рекорд стар 40 години

Читај повеќе

Милан го тужи Лацио за расистичко скандирање на навивачите

Читај повеќе
  • filter

Ексклузива на Mundo Deportivo: Барса радикално ги менува дресовите

Читај повеќе
  • play_arrow

Јокиќ е подготвен за ММА

Читај повеќе

L'Equipe откри неверојатни детали од договорот на Меси со ПСЖ

Читај повеќе

Адетокунбо се сретна со претседателката на Грција: И да не добиевме грчки пасоши, повторно тука ќе се враќавме

Читај повеќе

Холанд се смеел и се правел важен кога играч на Гибралтар му понудил размена на дрес

Читај повеќе

Нагелсман: Левандовски би бил одличен во НФЛ

Читај повеќе