Постојат многу знаци кои укажуваат дека некој е психопат. Имаат особини како површност, нарцизам, грандиозно чувство за себе, патолошко лажење, недостаток на вина и емпатија и многу други негативни карактеристики.
Истражувањето исто така покажа дека пријателството со бившиот партнер може да ве претвори во психопат.
Според студијата објавена во Personality and Individual Differences, истражувачите откриле дека постои врска помеѓу психопатите и проѕевањето.
Истражувачите од Универзитетот Бејлор собрале 135 испитаници, ги тестирале со помош на тестот „Инвентар на психопатска личност“, а потоа спровеле експеримент во кој ги изложиле субјектите на проѕевање.
Кога ќе видите како друго лице се проѕева, дали и вам почнува да ви се проѕева по само неколку секунди? Колку долго издржувате без проѕевање? Првите 5 секунди? Или сè до крај? Ако и вие сте се препуштиле на проѕевање по или во тек на туѓото проѕевање - честитки! Вие не сте психопат. Но, ако не сте издржале, би можеле да бидете психопат.
Според истражувачите, тоа има директна врска со емпатијата. Еден од знаците дека сте психопат е недостатокот на емпатија кон другите луѓе.
Познато е дека емпатијата е еден од клучните психолошки фактори што може да доведе до зараза со проѕевање.
Претходните истражувања го забележале истиот недостаток на емпатија кај децата со аутизам (сепак, тоа не значи дека аутистичните поединци се психопати, туку само значи дека тие имаат помала веројатност да се проѕеваат).
Истражувачите тестирале многу повеќе од само недостаток на проѕевање кај испитаниците.
Тие исто така тестирале колку лесно се плашат (психопатите многу тешко се плашат). Колку е помала веројатноста дека некој ќе се исплаши, толку е помала веројатноста дека ќе се проѕева.
„Се разбира, ова не е дијагностичка алатка за психопатијата, но тоа е интересна врска која покажува како овие особини на личноста влијаат на различните однесувања на неочекувани начини“, вели професорката и научник, Џенифер Голбек.
Така да можете да се опуштите. Само затоа што не сте се проѕевале кога сте виделе како некој друг се проѕева, не значи дека ќе почнете да готвите човечко месо како Ханибал Лектор.
Веројатно едноставно значи дека не сте сочувствителни, дека не дозволувате чувствата да влијаат на вашите одлуки и да ви се мешаат во работата.