Главната препорака е бремените жените да избегнуваат намирници кои може да предизвикаат труење и кои го зголемуваат ризикот од болести коишто се пренесуваат преку храна, пишува Business Insider.
Во тоа се вбројуваат непастеризирани млечни производи, сирења, делумно варени јајца, морски плодови, неизмиено овошје и зеленчук. Болестите кои се пренесуваат преку храна особено се опасни за трудници бидејќи во голема мера предизвикуваат штетни бактерии кои можат да ја загрозат бременоста. На пример, листерија е бактерија која се пренесува преку храна за која е познато дека предизвикува спонтан абортус или болести на новороденчето.
Но, само затоа што оваа храна не може да се јаде свежа, не значи дека мора целосно да ја избегнувате.
Исто така, за да бидете сигурни дека внесувате доволно протеини и железо во исхраната, исто така може да јадете готвен зеленчук, мешунки и грав.
Уште една препорака е избегнување храна што содржи значајни количини жива, а постојат потенцијални ризици од јадење морски плодови.
Американското здружение за бременост предлага избегнување храна со силни мириси којашто може да предизвика мачнина како на пример лук или кромид. Исто така, најдобро е да се избегнува зачинета или масна храна.
Познато е дека кофеинот предизвикува мачнина кај бремените жени па многумина го избегнуваат во текот на бременоста. Меѓутоа, Американскиот колеџ за гинекологија советува дека до 200 милиграми кофеин дневно е безбедно за трудниците.
