Неодамна се смени врвот на најбогатата жена според Forbes. Не станува збор за грешка ниту превид, туку Опра мораше да го отстапи престолот за жената која во моментов „тежи“ пет милијарди долари.
Госпоѓата која галантно се искачи на првото место е сопственичка на ланец пица ресторани, а нејзиниот фамилијарен бизнис и франшиза е третопласиран низ целата територија на САД. Станува збор за Маријана Илич.
Маријана и нејзиниот сопруг започнале со правење пици во првото ресторанче Little Caesars Pizza во 1959 година и набрзо потоа го прошириле бизнисот низ целата територија на САД. Госпоѓа Илич е речиси дупло побогата од Опра која вреди околу 3 милијарди долари и десет пати побогата од Селин Дион со нејзините 400 милиони долари.