Подгответе вкусен десерт, колач од чоколада.
Состојки:
За пандишпан:
4 јајца
100 грама шеќер
200 грама маргарин
100 грама чоколада за готвење
60 грама брашно
1 кесичка прашок за печење
За глазура:
500 мл слатка павлака
200 грама чоколада за готвење
1 лажица шеќер
Подготовка:
Ги одвојуваме жолчките од белките. Белките ги матиме со миксер додека не станат цврсти и ги тргаме настрана, во друг сад ги матиме жолчките и шеќерот додека да станат пенести.
На оган го топиме маргаринот и чоколадата за готвење и ги додаваме во смесата со жолчките, потоа го додаваме брашното и прашокот за печење.
Целата смеса добро ја матиме со миксер, па на крај ги додаваме изматените белки и рачно матиме. Тавата за печење ја премачкуваме со маргарин, ја истураме измешаната смеса и печеме во загреана рерна 20 минути на температура од 180 степени.
Во сад на оган ја ставаме слатката павлака, чоколадата за готвење и шеќерот, потоа непрекинато мешаме и чекаме смесата да се растопи, а потоа ја преливаме растопената глазура врз изладениот пандишпан.
Целиот колач го ставаме во ладилник за да се излади неколку часа, потоа го сечеме колачот и сервираме.