Без печење, колач за секој ден и за посебни прилики.
Потребни состојки:
200 грама бисквити
500 грама слатка павлака
250 грама ананас од конзерва
100 грама чоколада за готвење
100 мл јогурт
100 грама шеќер во прав
10 грама желатин и 4 лажици ладна вода
300 мл сок од портокал
Подготовка:
Во мал сад измешајте го желатинот и водата, па оставете го настрана да набабри. Одберете некој калап по ваша желба, обложете го со фолија. На дното на калапот наредете еден ред со бисквити кои предходно ке ги потопите во сок од портокал.
Ананасот исецкајте го на ситно, потоа изрендајте ја чоколадата за готвење, слатката павлака матете ја со миксер се додека не ја добие потребнта густина. Желатинот растопете го на тивок оган и додадете го во садот со павлаката, додаете ги анансот, чоколдата и јогуртот, па целиот фил добро го измешајте.
Во калапот со бисквитите истурете го филот, а мала количина од филот оставете за да го декорирате колачот. Врз филот наредете уште еден ред со бисквити потопени во сок од портокал, потоа калапот затворете го со фолија и колачот ставете го во ладилник неколку часа за да стегне.
Изладениот колач превртете го во сад за сервирање, декорирајте со преостанатиот фил и послужете.