Во летните денови вистинско освежување се овошните десерти, како на пример овој колач со лимон.
Потребни состојки:
-215 г путер (оставен на собна температура)
-180 г шеќер
-едно цело јајце и една жолчка
-сок од два лимона со средна големина
-300 г брашно
-половина лажичка прашок за пециво
-половина лажичка сол
-рендана кора од лимон
За прелив:
-250 г шеќер во прав
-пет до шест лажици лимонов сок
Начин на подготовка:
Изматете го путерот, додадете шеќер, па продолжете со матење. Додадете ги јајцето и жолчката, лимоновиот сок, па добро измешајте. Потоа на смесата додадете брашно, прашок за пециво, сол и повторно мешајте. На крајот додајте ја ренданата кора од лимон.
Добро измешаната смеса налејте ја во плех за печење и печете околу половина час на 150 степени.
Во друг сад измешајте го шеќерот во прав со лимонов сок, па прелијте низ оладениот колач и оставете да се олади во фрижидер пред да послужите.