Фудбал

Колинда по дебаклот со Шпанија: Главата горе, Огнени!

13. септември 2018 - 20:49 | А.С.

Два дена откако хрватската репрезентација доживеа дебакл од 0:6 во Шпанија се огласи хрватската претседателка Колинда Грабар-Китаровиќ.

„Главата горе, Огнени! Секој може да има слаб ден, но вашето сребро никогаш нема да избледи во нашите срца. Тоа што вие го направивте за промоција на Хрватска, колку радост и среќа ни донесовте, тоа не може ништо да го засени. Со вас сме во победа и во пораз, бидејќи вие сте гордоста на Хрватска“, напиша Колинда на нејзиниот Facebook профил.

Колинда за време на Светското првенство во Русија ја бодреше Хрватска речиси на секој натпревар и потоа се симнуваше во соблекувалната на репрезентативците за да им честита за победите, а со начинот на кој се однесуваше на доделувањето на медалите за најдобрите на Мундијалот ги освои срцата на фудбалските фанови ширум светот.

Коментирај