Во екот на туристичката сезона, за туристите кои планираат да одат на одмор или веќе стапнале на омилената плажа, една од најважните информации е температурата на морската вода и воздухот.
И додека временските услови во Македонија деновиве постојано се менуваат, од тропски горештини до ветровито невреме, метеоролозите најавуваат крај на најтоплиот летен период, тоа дефинитивно не е случај на морските дестинации, а туристите можат да уживаат во сончевите денови и топлото море.
На вториот прст на Халкидики, на Ситонија, во Неос Мармарис, температурата на морето е 28 Целзиусови степени, а дневната максимална температура на воздухот ќе биде иста. Во наредните денови времето ќе се задржи сончево, а температурата на воздухот ќе се движи до 31°C. Субјективното чувство ќе биде 32°C и повеќе.
На Крит е сончево и топло, до 31°C, субјективното чувство е 35 степени, а во сила е и жолт метео аларм кој предупредува на високи температури. Сончево и топло ќе биде и во наредните денови, а температурата на морето е од 25,6 до 28,4°C во зависност од местото на овој остров.
На Тасос е околу 27 степени, викендов ќе биде многу потопло. Максималните дневни температури ќе се искачат до 31°C. Морската вода е најтопла на Тасос кај Скала Рахони, 27,5°C, а најстудената температура на водата е 27,1°C, кај плажата Алики.
Температурата на морската вода во Паралија е 28,7 степени и е во благ пораст, бидејќи пред една недела беше 26,7 степени Целзиусови.
Во Закинтос, Лептокарија, Сарти, Неи Пори, Скијатос и други места водата е 28 степени Целзиусови.
Температурата на морето во Хрватска е највисока во август, кога достигнува повеќе од 27 степени Целзиусови. Меѓутоа, Јадранското Море веќе достигна повисока температура на одредени места на хрватското приморје, а моментално е најтопло кај Дубровник, Хвар, Лошињ и Корчула.
На овие места сончево и топло, максималната дневна температура од 29-30°C, а во наредните денови ќе се искачи за два степени.
Во Сплит е 31°C, субјективното чувство е 36 степени, а температурата на морето е 26,7°C. Пред една недела температурата на морето беше 25,7°C.
Моменталната температура во Риека е 29°C, во наредните денови ќе биде над 30 степени Целзиусови. Првите денови од август ќе донесат променливо облачно време и благ пад на температурата на воздухот. Температурата на морето сега е 25,8°C и благо ќе се зголеми.
Јадранското море во Црна Гора е малку потопло отколку во Хрватска, во близина на одредени омилени дестинации.
Во Будва моменталната температура на морето е 27,4°C, додека вчера беше над 28°C. Денеска најтопла вода има кај Свети Стефан, Милочер, Дробниќ, Дробни песко, Црвена глава и плажата Галија. Температурата на воздухот ќе достигне до 30 степени Целзиусови и во наредните денови благо ќе се зголеми за неколку степени, додека субјективното чувство ќе биде над 35°C.
Во Тиват денеска е измерена морската температура од 27,8°C, а временските услови се исти како во Будва, топло и сончево.
Нешто пониска температура на воздухот е измерена во Херцег Нови, но од утре ќе биде иста како и на другите места на црногорското приморје, а температурата на морето моментално е 26,7°C.
Во наредните денови температурата на воздухот во Котор ќе се движи до 32 степени, додека измерената температура на морето е 27,5°C.
Во Турција нема да има врнежи во наредните десетина дена, сончево и топло, со дневна температура на воздухот околу 35 и 36°C, но постои можност за многу високи температури и до 40 степени Целзиусови.
Во Аланија ќе биде топло, околу 35-36°C, најтопли денови за туристите се 4 и 5 август, кога максималната дневна температура ќе достигне 39-40 Целзиусови степени. Температурата на морето моментално е 27,6°C. Претходните денови надмина 28 Целзиусови степени.
Сончево и топло е и во Кемер. За викендот и следната недела ќе биде околу 36 степени, а субјективното чувство ќе биде 38 или повеќе степени. Температурата на морето е 28,6°C.
Температурата на морето кај Белек денеска изнесува 28,7°C според метеоролошките податоци, најтопло море на ова место во последните десет години било во 2012 година и изнесувало 30,7 степени. Температурата на морската вода во Белек се очекува во следните 10 дена да се искачи до 29,5°C.
Силното сонце во Египет и температурите од околу 42 степени Целизусови па нагоре ја прават оваа земја засекогаш најжешката дестинација на листата на омилени меѓу нашите туристи.
Во Хургада денеска е околу 43 степени Целзиусови, УВ зрачењето е крајно нездраво, субјективното чувство е за степен повисоко, а температурата на морето е 30,5°C.
Температурите на воздухот се за два степени пониски во Шарм Ел Шеик, околу 39-40 степени, а максималната температура во наредните денови ќе биде 39 степени. Температурата на Црвеното Море на ова место е 30,4°C.
