Досега стручњаците кажуваа дека за одржување на здрава форма најдобро е да направиме 10.000 чекори дневно. Сега го сменија мислењето.
Со оглед на тоа дека сѐ повеќе време поминуваме во седење и сѐ почесто користиме автомобили или јавен превоз, а малку одиме, стручњаците предупредуваат дека треба да правиме околу 10.000 чекоро дневно за да ги „поништиме“ ефектите на седењето. Тој број сега е зголемен.
Истражувачите од Универзитетот на Ворвик спроведоа истражување на 111 работници во Глазгов на возраст од 40 до 60 години.
Некои од нив, поради работата со која се занимаваат, го поминуваат поголемиот дел од денот во седење, а обврските на другите подразбирале повеќе одење.
Научниците ги анализирале нивните индекси на телесна маса, обемот на струкот, нивото на шеќер во крвта и на холестерол, за да утврдат како одењето влијае врз нив.
Разликите биле огромни.
Некои од работниците седеле повеќе од 15 часа дневно, што на работа, што дома, а оние кои на пример разнесуваат пошта, поголемиот дел од денот го поминуваат во одење.
Тоа се одразува на општото здравје.
Оние кои поголемиот дел од денот седеле имаат повисок индекс на телесна маса, поголем обем на струкот, повисоко ниво на шеќер во крвта и повисок холестерол, во споредба со оние кои се во движење.
Поштарите, пресметаа научниците, прават најмалку 15.000 чекори дневно и нивната општа здравствена состојба е многу подобра.
Затоа експертите препорачуваат да се оди многу повеќе.
Со одење од два часа може да се изодат 15.000 чекори. Се препорачува да одите најмалку 30 минути пред работа, уште толку по работното време и во текот на денот уште неколку пати да прошетате по десет минути.
