Ако никогаш не сте размислувале за чистење на чергичиња, не сте единствени, но можеби ќе сакате да размислите повторно. Не само што валканото чергиче не е визуелно идеало за првиот впечаток од вашиот дом, туку може да внесе и штетни бактерии и вируси, ставајќи го вашето семејство во ризик од болест. Имајќи го тоа на ум, експертот за чистење Ричард О'Конор откри неколку совети за Mirror како да се исчисти чергичето.
Како прво, чергичето треба да го тресете барем еднаш месечно. А, покрај тоа, треба редовно да го миете. Ако вашата машина за перење може да се справи со таа тежина, тогаш измијте го на тој начин. Секако, важно е да се погледне што пишува на декларацијата и кои се упатствата за перење. Ако тоа не е опција, можете да го посипете со сода бикарбона, оставете да отстои околу еден час пред да го исчистите со правосмукалка и да го избришете со влажна крпа.
Интересно, но Ричард советува да го ставите чергичето во мијалникот, да го исчистите со сапун за садови и вода пред едноставно да го исплакнете и исушите со крпа.
Исто така, чергичето може да биде голем ризик доколку сте сопственик на домашно милениче. Имено, сите влакна кои остануваат на него ги внесувате директно во домот. Токму затоа треба редовно да го четкате.
Експертот за чистење предлага на секои две или три години да инвестирате во ново чергиче, во зависност од тоа колку на дневна основа се троши и кине вашето чергиче.