Редовното празнење на дебелото црево е важно за одржување на добро здравје. Експертите истакнаа колку често треба да практикувате празнење.
Гастроентерологот Пејтон Беруким рече дека „нормалниот“ број на движења на дебелото црево може да биде 3 или 4 пати неделно или дури и до 3 пати на ден.
„Она што е навистина важно е луѓето да имаат спонтани движења на дебелото црево, односно меки столици без напрегање“, рече тој, пренесува New York Post.
Докторката Кристал Ванеса Антоан Пепељугоски за споменатиот медиум изјави дека е нормално да се практикува празнење секој ден или секој втор ден. Меѓутоа, ако го правите тоа помалку од трипати неделно, тоа е знак дека имате проблеми со запек.
Постојат неколку работи што можете да ги направите за да ви помогне да имате спонтано движење на дебелото црево. Значи, без употреба на лаксативи. Јадете од 20 до 30 грама влакна дневно. Влакна се наоѓаат во овошјето, зеленчукот, интегралните житарици, јаткастите плодови и семките.
Треба да консумирате и јогурт, кефир и кисела зелка. Се препорачува и земање пробиотски додатоци. Пробиотиците се корисни бактерии кои можат да помогнат да се врати рамнотежата во цревата и да се омекне столицата.
„Надополнете го ова со соодветна хидратација. Пијте најмалку 8 чаши вода дневно“, додаде д-р Антоан Пепељугоски. Вежбањето и дневните прошетки исто така може да го стимулираат варењето. Конечно, важно е да се нагласи дека никогаш не треба да трпите голема нужда.
