Некои се одлучуваат на овој ризик од финансиски причини, а за други ова е адреналинска игра.
Сите експерти за автомобили ќе ви кажат дека не е добро да возите со малку гориво во резервоарот, но сепак на сите ни се случило да „стиснеме палци“ и да се надеваме дека ќе дотуркаме до крајната дестинација или до следната бензинска пумпа.
Некои понови автомобили имаат опција за проценка на километражата што може да ја поминете со преостанатото гориво, но кај постарите автомобили имате само стрелка и сијаличка за да ве предупреди дека време е да го дополните резервоарот.
Дали би продолжиле да возите иако сијаличката за гориво трепка и ви покажува дека сте при крај? Но, дали и се прашувате колку ќе „истерате“?
Ако сте си го поставиле ова прашање, оваа табела ќе ви даде некакви одговори. Ако возите Kia Soul, Nissan X-Trail или Mazda CX-5, тоа се автомобили што има подеднакви шанси да ги видите на нашите патишта, низ Европа и во САД.
Оваа табела покажува на колкаво количество гориво почнува да алармира автомобилот и колку може да извозите со таа „златна резерва“.
Опасна зависност
Возбудата расте секој следен пат кога ќе тргнете да возите, а сијаличката „упорно“ трепка, но автомобилот продолжува да вози.
Овој тип на адреналинска зависност може скапо да ја платите. Кај постарите автомобили резервоарите се лимени, а возењето на „златна резерва“ значи многу кондензирана водена пареа, односно појава на корозија и нејзините продукти, а со тоа и опасност за пумпата за гориво. Затоа, држете се до советот да возите со најмалку една четвртина полн резервоар.