Свежо купеното мелено месо може да остане во фрижидер еден ден, најмногу два, па најдобро би било доколку не планирате да го консумирате во тој период да го ставите во замрзнувач. Но, дали таму може да остане долго?
Губењето на влагата е една од главните причини зошто меленото месо го губи својот вкус откако ќе отстои подолго време, според Американскиот оддел за земјоделство (УСДА), дури и ако е во замрзнувач, што значи дека не може да стои таму цела вечност.
Ако е термички обработено и правилно складирано, може да се замрзне 2 до 3 месеца и вкусот нема да се промени толку многу бидејќи дел од влагата веќе е изгубена при готвењето.
Сировото мелено месо може да се чува во замрзнувач 3 до 4 месеци. Секако важно е и како е подготвено.
Во оригиналното пакување може да стои до 2 недели, а доколку планирате да го чувате подолго од тоа, добро би било пакувањето да го завиткате со фолија или да го ставите во кеса за замрзнување.
Добро е на него да го напишете датумот кога сте го замрзнале ако е само во пластична кеса, за да се потсетите до кога треба да го искористите.
