Се зголемува побарувачката за луксузни автомобили.
Бројни производители на луксузни автомобили рушат рекорди во продажба, а меѓу нив е и Ferrari. Како што открива првиот човек на компанијата, побарувачката е над сите очекувања. Ова особено важи за новите 296 GTB и Purosangue, за кои побарувачката е најголема и италијанската компанија има „рекордни нарачки длабоко во 2024 година“, пренесува Reuters.
Ferrari претходно објави дека интересот за новиот модел Purosangue е толку голем што лесно може да го надмине планираното годишно производство од 3.000 примероци. Всушност, Ferrari одлучи дека Purosangue не треба да има удел во продажба во опсег од повеќе од 20 проценти.
Шефот за маркетинг, Енрико Галиера, претходно призна дека нарачките за моделот буквално експлодирале откако официјално било потврдено дека ќе се придвижува од атмосферски мотор со 6,5 V12.
Да додадеме и дека Ferrari до 2026 година ќе лансира 15 нови модели, а првиот електричен модел би требало да ја има својата премиера во 2025 година. Во исто време, Ferrari силно ги поддржува напорите за одржување на производството на модели со мотори со внатрешно согорување по 2035 година, барем кога станува збор за оние кои се напојуваат со синтетички горива.
