Samsung ја претстави серијата Galaxy S23 на почетокот на месецот. Телефоните од оваа серија веќе се тестирани од некои рецензенти, а меѓу поинтересните тестови се оние поврзани со издржливоста на уредот.
Galaxy S23 Ultra помина два теста на издржливост, па да видиме како помина. PBKreviews и Zak од каналот JerryRigEverything ја тестираа издржливоста на овој телефон.
PBKrewiws открива дека телефонот излегол „неоштетен“ од вода по три минути, благодарение на сертификатот IP68.
Екранот на телефонот одлично преживува гребнатини од паричка, додека гребењето на телефонот со остар предмет покажува гребнатини на ниво 8 и подлабоки гребнатини на ниво 9 на скалата Мос.
Модулот на камерата покажува идентични резултати. Тестот со паѓање открива дека екранот пука откако ќе биде фрлен од висината на половината директно на бетон. И задниот дел пука по истиот пад, но и покрај физичкото оштетување, екранот и другите компоненти на телефонот остануваат целосно функционални.
Кога станува збор за расклопување на телефонот, можеме да забележиме дека Samsung го направи заменувањето на батеријата прилично лесно во споредба со неговиот претходник. Сите кабли и конектори се уредно означени, што дополнително го олеснува процесот на сервисирање.
PBKreviews го оцени телефонот Galaxy S23 Ultra со 9/10 за поправка.
Од друга страна, добро познатиот Зак малку порано забележува гребнатини на телефонот Galaxy S23 Ultra, на ниво 6 и ниво 7 од скалата Мос. Кога станува збор за тестот за свиткување, телефонот се покажа како исклучително флексибилен и не се витка без разлика од која страна Зак се обиде да го свитка.
А неговото видео, исто така, открива дека батеријата на телефонот е прилично лесна за замена, многу полесно од онаа на Galaxy S22 Ultra.
